మిశ్రమ ఫలితాల మధ్య కూడా ఓర్పు, వివేకం మీకు రక్షణ కలిగిస్తాయి. కొన్ని అనుకోని పరిస్థితులు పరీక్షిస్తాయి. ఆలోచించి మాట్లాడటం అవసరం. సహనం పాటిస్తే సమస్యలు సద్దుమణుగుతాయి. గోసేవ చేయడం మనసుకి సంతోషాన్ని, శుభఫలితాన్నీ ఇస్తుంది.
ఈ వారం మీ మానసిక శక్తి మీకు పెద్ద బలం. సరైన దిశానిర్దేశంతో పనులు ప్రారంభిస్తే మీ ఏకాగ్రతకు తగిన ప్రతిఫలం లభిస్తుంది. విజయం మీకు దగ్గరలోనే ఉంది. ధర్మబద్ధమైన నిర్ణయాలు తీసుకుంటే శుభం ఖాయం. ఒక సాహసోపేతమైన విజయం సాధించే అవకాశం ఉంది. ప్రశాంతమైన మనస్సుతో ఆలోచించి సత్ఫలితాలను సొంతం చేసుకోండి. ఉద్యోగంలో అధికారుల నుంచి ప్రశంసలు, గుర్తింపు లభించే అవకాశం ఉంది. సమాజంలో మీ కీర్తి కొంచెం పెరుగుతుంది. ముఖ్య కార్యక్రమాల్లో నిర్ణయాలు తీసుకునే ముందు క్షమాగుణంతో పరిస్థితులను బరువుగా కాకుండా తేలికగా చూసి ముందుకు సాగండి. వ్యాపారంలో బుద్ధిబలాన్ని ఉపయోగించి చతురతతో వ్యవహరించడం మేలు చేస్తుంది. అవసరమైతే కొంచెం వెనక్కి తగ్గి, సరైన సమయం కోసం వేచి ఉండటం మంచిది. ఈ వారంలోనే వ్యాపారపరంగా శుభఫలితాలు పొందే అవకాశం ఉంది. ఆశలు అతిగా పెట్టుకోకుండా, మీ యోగ్యతకు తగ్గట్టుగా విజ్ఞానం, అర్హత పెంచుకుంటూ లక్ష్యాల వైపు క్రమంగా సాగండి. ఆర్థిక అంశాలు అనుకూలంగా ఉన్నాయి. సూర్యనమస్కారం చేయడం శక్తినిస్తుంది.
